Penninn Eymundsson
Persónur Pennans Eymundsson. Hvern langar þig að hitta í dag?
Um verkefnið
Íslensk menning býr í bókum og sögum, íslenskum perlum sem við þekkjum og elskum hvert á okkar hátt. Persónur Pennans Eymundsson endurspegla þessa tengingu.
Hér mætast höfundar, lesendur, fólk á ferli og ferðamenn. Starfsfólkið fléttast inn á milli fólksins sem hefur mælt sér mót og þeirra sem detta inn af bæjarröltinu. Ferðamenn koma við og kaupa gjafir og minjagripi til að færa sínum nánustu.
Sumir eru einir, aðrir eru í hóp. Sumir staðir eru þannig að þar er hægt að verja löngum stundum bæði í hóp og einn, og Penninn Eymundsson er þannig staður.
Hvern langar þig að hitta í dag? Þú finnur viðkomandi í Pennanum Eymundsson.
Markmið
Þegar við ferðumst viljum við kynnast menningu staðanna sem við heimsækjum. Af þessari ástæðu hefur Penninn Eymundsson lengi verið vinsæll áfangastaður ferðamanna. Þegar heimsfaraldur skall svo á og ferðamenn nánast hurfu af landinu var kominn tími til að gera Pennann Eymundsson aftur að áfangastað fyrir Íslendinga.
Hugmynd
Með herferðinni sameinum við Persónur Pennans Eymundsson sem heild. Persónur bókmenntanna lifna við, höfundar og fastagestir líta við og skoða úrvalið með öðrum gestum verslunarinnar. Perlur bókmenntanna skreyta veggi kaffihúsanna og lauma sér út í daginn með viðskiptavinunum á kaffimálum og innkaupapokum.
Niðurstaða
Penninn Eymundsson er staður þar sem þú gleymir stað og stund, ferðast til nýrra heima og drekkur gott kaffi á meðan.
Hvern langar þig að hitta í dag?
Kvikmyndaðar auglýsingar sem sóttu innblástur úr frægum íslenskum skáldverkum, heimsbókmenntum og heimsfrægum sögum. Ef vel er að gáð má sjá vinsælum rithöfunum og persónum bregða fyrir í aukahlutverkum.
Fastagestir
Fastagestir Pennans Eymundsson eru fjölbreyttur hópur fólks sem sækir kaffihúsin og verslanirnar reglulega í leit að innblæstri. Við færðum þeirra hugmyndir um þennan ævintýraheim inn á samfélagsmiðla Pennans Eymundsson.
Kaffihúsin
Perlur bókmenntanna leynast á óteljandi blaðsíðum innan hverrar verslunar Pennans Eymundsson. Við færðum nokkrar þeirra innan úr bókunum og gáfum þeim rými á veggjum kaffihúsanna. Tilvitnanir sem elta viðskiptavini okkar svo út í daginn, prentaðar á innkaupapoka og kaffimál.
Skoðaðu næsta verkefni
@ Hér&Nú 2025
Kt. 690190-1339
Vsk. nr. 22731