Ormsson 100 ára

Okkur langaði að vekja athygli á því hversu löng og viðburðarík saga verslunarinnar raunverulega er, en tæknileg þróun vöruúrvals Ormsson hefur auðvitað tekið risavaxið stökk á þessum tíma. Okkur þótti því tilvalið að draga fram ýmislegt úr fortíðinni og blanda því saman við nútíðina.

Gamlar auglýsingar úr dagblöðum voru okkar aðalinnblástur í hönnun, hugmyndavinnu og textagerð. Tungutak og tæknital síðustu aldar blandaðist skemmtilega við auglýsingaheim dagsins í dag, en leitast var við að aðlaga bæði nútíð og fortíð að hvort öðru í textaheimi herferðarinnar.

Útkoman var skemmtileg og öðruvísi herferð sem færði form dagblaðsins í stafræna miðla nútímans. Hér var síða úr dagblaði sett upp á stærðarinnar auglýsingaskilti með talsvert krefjandi magni af texta á miðað við það sem fólk á að venjast. Þessi herferð vakti eftirtekt og umtal um vörumerkið Ormsson fyrir áhugaverða hönnun og textagerð.