1700
Hvert hringir þú?
Um verkefnið
Áskoranir í heilbrigðismálum eru margar og mismunandi. Ein þeirra felst í því að almenningur virðist oft á tíðum hreinlega villast í þessu stóra og víðfeðma kerfi. Álagið bitnar á okkur öllum en þegar stór hluti fólks leitar á sama blett í kerfinu verður biðin lengri og gæði þjónustunnar minnka. Því virtist þurfa eins konar vegvísi um heilbrigðiskerfið sem auðvelt væri að muna eftir þegar óvissan léti á sér kræla.
Markmið
Vekja athygli á upplýsingasímanum 1700 sem fyrsta skrefi í átt að réttum áfangastað og auka þannig þjónustu við almenning þegar kemur að heilbrigðistengdri ráðgjöf og leiðsögn.
Hugmynd
Skilaboðin eru mikilvæg og þess vegna var nauðsynlegt að þau væru skýr. Bjartir og áberandi litir réðu för á eftirtektarverðum myndunum sem vísa til mismunandi kvilla, einkenna og veikinda sem fólk glímir við dagsdaglega. Myndirnar tengjast viðfangsefninu beint og uppsetningin er auðskilin. Blandan af gleði og húmor sem vegur upp á móti alvarleika og brýnni nauðsyn skilaboðanna skilar af sér eftirminnilegri heildarmynd.
Niðurstaða
Áhugaverð, grípandi og hnitmiðuð herferð sem ól af sér stóraukna áherslu á skýrar leiðbeiningar og ráðgjöf innan heilbrigðiskerfisins.
Teikningar
Myndir af einkennum, kvillum og óhöppum sem rata reglulega inn á borð heilbrigðisstarfsfólks.
Samfélagsleg vitund
Lykillinn að vitundarvakningunni var að halda skilaboðunum stuttum, hnitmiðuðum og áberandi.
Ákveðið var að ráðast í gerð lags sem væri til þess gert að festast í minni fólks. Texti lagsins samanstendur af algengum kvillum sem koma á borð heilbrigðiskerfisins. Útgangspunkturinn er símanúmerið góðkunna sem beinir óvissu fólki í réttan farveg innan kerfisins.
Skoðaðu næsta verkefni
@ Hér&Nú 2023
Kt. 690190-1339
Vsk. nr. 22731