Mörkun (e. branding) felur í sér að skapa heildar ásýnd fyrirtækis eða stofnunar og er einstaklega mikilvægt að ná rétt frá fyrsta degi því allt markaðsefni sem skapað er í kjölfarið byggist á grunninum sem mörkunin setur.

Best er að ná að skila sem flestum upplýsingum til neytandans, með sem fæstum orðum, eða jafnvel engum! Vörumerki, litapalletta, myndefni, hönnun, lógó og umgjörð eiga að koma á framfæri nákvæmlega hvað það er sem gerir fyrirtækið einstakt, og hvers konar sérstöðu það hefur.

Önnur atriði eins og kjörorð, leturgerð, kynningartexti og, að sjálfsögðu, sjálft nafnið á fyrirtækinu skipta líka miklu máli og við veitum okkar kúnnum markaðsráðgjöf frá byrjun til enda þegar kemur að farsælli mörkun.

Við höfum hjálpað ótal fyrirtækjum og stofnunum að marka sig með eftirminnilegum hætti, svo almenningur þekki þau auðveldlega, ásamt því að hafa endurmarkað þekkt íslensk vörumerki svo þau falli betur að nýjum tímum.

Flest fyrirtæki, þar á meðal sum af þeim stærstu í heimi, endurmarka ásýndina reglulega, því nýr tíðarandi krefst nýrrar nálgunar og það þekkjum við vel.

Hægt er að nálgast endurmörkun (e. rebranding) á ýmsa vegu. Stundum þarf að gefa vörumerki smá endurnýjun, en halda í meginþætti ásýndarinnar án þess að umturna öllu. Í öðrum tilvikum er best að gera allsherjar breytingu á vörumerkinu, þar með talið atriðunum sem fólk helst tengir við fyrirtækið svo sem lógó, liti og jafnvel nafnið sjálft.

Í enn öðrum tilvikum verður nýtt fyrirtæki til í kjölfars samruna annarra fyrirtækja. Þá á sér stað eins konar blanda af mörkun og endurmörkun, þar sem að nýja fyrirtækið vill skapa sér sína eigin ásýnd, en þó með tilvísunum í fyrirtækin sem sameinuðust.

Okkar markaðsráðgjafar munu leggja faglegt mat á hvers konar endurmörkun henti best, sköpunarteymið býr til endurmörkunina frá grunni og loks munu birtingaráðgjafar okkar finna besta vettvanginn til þess að festa mörkunina í sessi á meðal almennings.